session

De klenge Butz ass mëttlerweil do? Dir wëllt seng éischt Deeg an sengem Liewen festhalen? Iech ass et wichteg dass dëst an engem häerzegen an rouegen Kader geschitt, an deem dir an äre Puppelchen iech wuel fillt?

An menger Nouveau né Session ginn ech iech an dem kléngen Butz mat all menger Léift fir d’Ästhetik, den Detail an d’Wäermt a mengen Fotoen d’Méiglechkeet eenzegaarteg Erënnerungen ze schafen.

Iwwert di letzten Joren hunn ech mer et zum Zil gemaach duerch eng Rei un Workshopen, Atelieren an Formatiounen och den usprochsvollstem Beräich aus der Maternité-Fotografie, nämlech dem Nouveau-Né op engem heigen Niveau zu Lëtzebuerg kënnen unzebidden.

Net nëmmen mäin Aan fir den Detail an d’Ästhetik vun der Néigebuerenenfotografie gouff hei geschoult mee och mäin Sënn fir d’Wuelbefannen vun den Klengen ass ganz no uewen geréckelt. D’Sécherheet um Set an den Rhythmus an d’Besoinen vun engem Neigebuerenen stinn komplett am Mëttelpunkt vun mengem Fotograféieren. Vun der Raumtemperatur iwwert d’Luucht bis hin zur Klankuliss an den Posen ass alles ärem klengen Butz no ausgeriicht an ugepasst. Fir all Bébé fannen mer genau déi Pose an der en sech wuelfillt a säi Kierper sech entspanen kann. Iesspausen a Kuschelzäiten sinn am Shooting mat ageplagt fir dass et dem Klengen wärend der ganzer Zäit gutt geet an mer a voller Geloossenheet seng Fotoen kënnen maachen.

An Ofsprooch mat iech am Viraus an fir dass d’Perséinlechkeet an d’Wiesen vun all Klengem sech och an sengen Fotoen erëmspigelt preparéieren ech aus mengen Requisiten aus Wraps, Petzien, Hoerbännecher, Mutzen…. en ganz individuellen Set fir ärem Klengen seng Fotoen.

Wuel gemierkt dass ech net op Familysessions speziliseiert sinn ,man ech Iech als kleng Errenerung är eicht gemeinsam Familiefoto.